Jaınamazymda eshkiniń sýreti beınelengen, ne isteımin?

Jaınamazymda eshkiniń sýreti beınelengen eken, ony endi baıqadym. Endi, ol jaınamazda oqymaýym kerek pe?

Nurdáýlet Turǵynbaev

Ответ

Nurdáýlet, jaınamazyńyzda anyq eshkiniń beınesi keskindelgen bolsa jáne sol sýret dál sájde jasaıtyn jerińizge dóp tússe, bul jaǵdaıda álgi sýret taban astyna keletindeı etip jaınamazdyń bas jaǵyn aıaq jaqqa, aıaq jaǵyn bas jaqqa aýystyryp qoıyp, namazyńyzdy oqysańyz bolady.

Óıtkeni, sharıǵatta jerge tóselgen tósenishtegi jandy zattyń sýreti sájde qoıatyn jerine dál kelse ǵana mákrúh, al tabanynyń astynda turǵan sýrettiń namazǵa zııany joq[1].

Biraq mynany qatań eskerińiz: álgi jaınamazdyń bas jaǵynda eshkiniń beınesimen qosa qaǵbanyń, meshittiń t.b. dinimizge qatysty dúnıelerdiń sýreti nemese dinı jazý bolmaýy kerek. Sebebi, aýystyrǵan jaǵdaıda bul sýretter aıaq astyǵa kelip qalady. Bul durys emes.

Abdýsamat Qasym