Naýqas adamnyń orazasy

22 sáýіr 2020 5775 0
Оqý rejımi

Assalamý aleıkým! Syrqattanǵan adam oraza tutady ma? Mundaı jaǵdaıda ne isteıdi? Naýqas adamnyń oraza jaıly keńirek túsindirip aıtsańyzdar.  


Ответ

Ýa aleıkým assalam!

Pendelerine meıirimdilik jáne jeńildik bolýy úshin Alla Taǵala naýqas adamǵa ramazan aıynda oraza tutpaýǵa ruqsat etken[1]. Quran Kárimde: «...Al, senderden kim aýrý ne saparda bolsa, onda basqa kúnderde (orazasyn tutsyn)»,[2] – dep ámir etilgen.

Sondyqtan, naýqas adam aýrýy asqynýynan qaýiptense oraza tutpaıdy. Emdelgen soń qazasyn ótep beredi. Al, aýrýy asqynýy ómirlik tájirıbege nemese bilikti dáriger maman aıtýymen anyqtalady. Buǵan qosa, oraza tutý emdelýin keshiktirse nemese baıaýlatsa da oraza tutpaıdy. Óıtkeni, aýrýdyń emdelýi baıaýlasa adamnyń ómirine qaýipti. Al, mundaı jaǵdaıdan saqtanǵan jón[3].

Naýqas emdelip bolǵan soń, tutpaǵan kúnderiniń qazasyn ótep beredi. Ramazan qazasyn óteýde kisiniń oraza kúnderiniń arasyn úzbeı nemese bólip tutýynda erikti. Alaıda, moıyndaǵy paryzdy erterek óteý úshin úzbeı tutýy qup sanalady.

Naýqas emdelip birer kúnnen keıin qaıtys bolsa, marqumnyń atynan týystary onyń saýyqqan kúnderi shamasynsha bir kún úshin bir adamǵa as beredi.

 


[1] «Baqara súresi», 184-aıat.
[2] Muhammad Álı Sabýnı, Raýaıǵ Baıan I-tom, 186-bet.
[3] Sheıh Abdýlǵanı ál-Ǵunaımı Dımashqı Hanafı Maıdanı, ál-Lýbáb, 167-bet.

Pіkіrler Kіrý