Paıǵambarymyz (s.ǵ.s.) qalaı qurban shalǵan?

Assalamý aleıkým! Paıǵambarymyz (s.ǵ.s.) qalaı qurban shalǵan? Sol jaıly qysqa da nusqa aıtyp berýlerińizdi ótinemin. Botagóz

Ответ

Ýa aleıkým assalam! Iá, Paıǵambarymyz (s.ǵ.s.) qurban shalǵan. Sonymen birge, maldy óz qolymen baýyzdaǵan. Ol jaıly birneshe derek keltire keteıik:

1. Ánas bın Malık (r.a.): «Paıǵambar (s.ǵ.s.) múıizdi eki qoshqardy qurbandyqqa shaldy. Ekeýin de óz qolymen, bısmılla men tákbir aıtyp, (maldyń) búıirin aıaǵymen basyp turyp baýyzdady»[1], – dep rıýaıat etedi.

2. Aısha (r.a.) rıýaıaty: «Alla elshisi (s.ǵ.s.) bir qoshqardy aldyrdy. Onyń aıaǵy qara, ishi qara, kózi qara edi. Qurban etý úshin aldyrdy. Aısha anamyzǵa: «Pyshaqty alyp kel de, ony taspen qaıra», – dedi. Solaı etti. Paıǵambarymyz (s.ǵ.s.) qoshqardy jerge jatqyzyp, baýyzdap: «Bısmılla! Ýa, Alla! Muhammedten, Muhammedtiń otbasynan jáne Muhammed úmbetinen qabyl et», – dep qurban shaldy»[2];

3. Ibn Omar (r.a.): «Alla elshisi (s.ǵ.s.) Madına qalasynda on jyl turdy, (ár jyly) qurbandyq shaldy»[3], – dep rıýaıat etedi.