Qıst-hındı qandaı dári?

Assalaýmaǵaleıkým! Kıst-al-hındı dárisin emdik shıpa retinde ishýge bola ma? Qandaı keńes bere alasyzdar bul dári jóninde? Janat Baekenov

Ответ

Ýa aleıkým assalam!

Bul emdik ósimdik – qıst-hındı nemese qıst-bahrı dep te atalady. Ánas bın Malık (r.a.) rıýaıat etken hadıste bul ósimdik jaıly bylaı dep aıtylady: «Rasynda, sender emdikte qoldanǵan eń jaqsy ádis – hıjama jáne qıst bahrı[1]».

Paıǵambar (s.ǵ.s.) qıst-Hındı shóbinde jeti túrli shıpa bar ekendigin aıtqan. Qıst-hındı – mısýak sııaqty taıaqsha. Ol eki túrli: tátti jáne óte ashy. Alaıda, bul qasıetterine qaramastan ekeýi de óte paıdaly. Degenmen, ashysy kóbirek paıdaly.

Atalmysh emdik ósimdik – jeti dertke, atap aıtqanda, etekkir qany men nesepti júrgizýge, ishek qurtyn óltirýge, ýdy qaıtarýǵa,  bezgek pen isikti basýǵa, asqazan jarasyna, jynystyq belsendilikti arttyrýǵa jáne denedegi daqtardy ketirýge taptyrmas daýa[2].

Qıst-hındıdi qoldaný ádisi: dári retinde ishý, murynǵa tamyzý, denege ysqylap jaǵý jáne tútetýge bolady.

Keńirek aıtqanda, qıst-hındı taıaqshalaryn untaqtap, sosyn qasyqtyń 4/1 bóligindeı sý nemese balmen aralastyryp ishý. Ony túski nemes keshki astan aldyn nemese uıqyǵa jatardan aldyn ishýge bolady.

Sonymen birge, maıǵa aralastyryp murynǵa tamyzýǵa da bolady. Bul muryn qýysynyń aýrýlary men ıiskeý sezimin qalpyna keltirýde jáne ókpe qabynýyn emdeýde paıdaly.

Em-shara jasaýdyń taǵy bir tásili záıtún maıyna aralastyryp, biraz otqa qoıyp deneni ysqylaýǵa bolady.

Eń mańyzdysy, rýhanı dertke paıdaly. Adamnyń boıyndaǵy rýhanı syrqatty emdeýde zor kómegi bar.

[1] Fathýl-Barı.
[2] Fathýl-Barı.

Rýslan Kambarov