Hadıste aıtylǵan qara ıttiń bári shaıtan ba?

04 qyrkúıek 2020 726 0
Оqý rejımi

Assalamaǵaleıkým! «Qara ıt – bul  shaıtan» degen hadıs bar eken? Sonda qara ıtti asyraýǵa bolmaı ma?             


Ответ

Ýaǵaleıkýmassalam! Paıǵambarymyzdan (s.ǵ.s.) qara ıt jaıly hadıs kelgeni ras. «Jabır ıbn Abdýlla (Alla ol kisige razy bolsyn) bylaı áńgimeleıdi: «Birde Alla Elshisi (s.ǵ.s.) bizderge bos júrgen ıtterdi óltirýdi buıyrdy. Sol mezette qala syrtynan bóten bir áıel ıtimen birge kelgen edi. Biz onyń ıtin óltiretinimizdi aıtqanda Paıǵambarymyz (s.ǵ.s.) bizderdi toqtatyp: «Tek qana tula boıy qap-qara, eki kóziniń ústinde aq belgisi bar ıtti óltirińder! Rasynda ol - shaıtan», - dep  eskertti»[1].

وعن جابر قال‏:‏ ‏(‏أمرنا رسول اللّه صلى اللّه عليه وآله وسلم بقتل كل الكلاب حتى أن المرأة تقدم من البادية بكلبها فنقتله ثم نهى رسول اللّه صلى اللّه عليه وآله وسلم عن قتلها وقال‏:‏ عليكم بالأسود البهيم ذي النقطتين فإنه شيطان‏)‏‏.‏

رواه أحمد ومسلم‏ 

Paıǵambarymyzdyń (s.ǵ.s.) bul hadısine ǵulamalarymyz ártúrli túsinikteme bergen. Paıǵambarymyzdyń (s.ǵ.s.) ıtterdi óltirýge baılanysty buıryq berýine sol kezdegi belgili bir sebepter túrtki bolǵanyn alǵa tartady. Ydystardaǵy taza sýlardy qańǵyǵan ıtterdiń bylǵap ketýinen dep te túsindiredi. Hadısti basqalaı túsinip qalmaýymyz kerek. Al, qara ıt jaıly aıtqanyna keler bolsaq, ǵulamalarymyz buǵan da ártúrli kózqarasta.

Hanbalı mázhabynyń keıbir ǵalymdary bul hadısti tikeleı maǵynada alyp: «Qara ıt ol – ıt beınesine engen shaıtan» degen uǵymmen ony óltirip tastaý kerek degen pikirler aıtqan bolsa, basqa ǵalymdar paıdasy joq, qutyrǵan nemese qabaǵan ıt bolsa ǵana óltirýge ruqsat degen pikirde. Qoryta kele aıtarymyz, jalpy qara ıt asyraý sharıǵatymyzda mákrýh bolyp tabylady. Maquldanbaıtyn amal bolyp esepteledi. Sebebi, qara ıt adamdarǵa, jas balalarǵa kóp jaǵdaıda qorqynysh alyp keletinin de eskergen jón, - deıdi ǵalymdarymyz.


[1] Ahmad

Asqar Muqanov

Pіkіrler Kіrý