ТӘУБЕ ҚАНДАЙ БОЛАДЫ?

Әзірет Әли (к.у.) бір бәдәуидің шапшаңдата «Әстағфируллаһ уә әтубү иләйһ» дегенін естиді. Оған:

Кешірім сұрағанда асығыс, тез-тез, тек тілмен ғана айту өтірікшінің тәубесі. Сенің тәубеңнің өзінен тәубе еткенің жөн, - дейді. Бәдәуи:

Онда тәубе қандай болады? – деп сұрайды. Былай деп жауап берген:

Тәубе ету мына алты нәрсені орындау деген сөз:

1- Өткен күнәларына өкіну.

2- Қаза болған парыздарды атқару.

3- Хақсыз алған құл ақысын иесіне қайтару.

4- Нәпсіңді күнәмен қалай зорайтсаң, Алла тағалаға бойсұну арқылы солай тәрбие ету.

5- Нәпсіңе күнә дәмін татқызғаның секілді, ашы болса да мойынсұнудың (итағаттың) дәмін татқызу және нәпсіңе Аллаға наразылықта қалай әр берсең, Алла тағалаға бағыну үшін де солай әрлеу.

6- Күліп істеген күнәлар үшін жылау.