«Әбу Насыр әл-Фараби» мешітінде қайырымдылық жәрмеңкесі өтті (ФОТО)

Ораза айт мейрамы елордалық тұрғындар мен қала қонақтары үшін сән-салтанатымен аталып өтті. Бұл мейрам мәдени-спорттық шаралармен қатар қайырымдылық жұмысымен де елдің есінде қалды.

«Әбу Насыр әл-Фараби» мешітінде Ораза айт мерекесі аясында «Мейірімділік жәрмеңкесі» өтті. Оған мешіт ұстазы Әйгерім Қайратқызы мен мешіт жанындағы «Жібек» қыз-келіншектер клубы, қыз балалардан құралған шәкірттер толықтай атсалысты. 

Шараның мақсаты – жәрмеңке қаражатымен мұқтаж жандарға қайырымдылық көрсету. Жәрмеңкедегі түрлі тәтті тағамдарды «Әбу Насыр әл-Фараби» мешітінің әйел жамағаты ұсынды. Жәрмеңкеден түскен қаражат мешітке тіркелген тұрмысы төмен отбасыларға, ауыр сырқатқа душар болған жандардың еміне көмек ретінде үлестірілетін болады.

Дереккөз: ummet.kz