Елорда әкімі Нұр-Сұлтан қаласының бас имамын қабылдады

Бүгін Елорда әкімі Алтай Көлгінов жақында ғана ҚМДБ Нұр-Cұлтан қаласының бас имамы болып тағайындалған Ерболат Жүсіповты қабылдады. Кездесу барысында шаһар әкімі өз құттықтау лебізін білдіріп, Ерболат Нұрылдаұлының жаңа қызметіне сәттілік тіледі.

Жүздесу барысында Мемлекет басшысы Қасым-Жомарт Тоқаевтың ҚМДБ төрағасы, Бас мүфти Наурызбай қажы Тағанұлымен кездесуінде талқыланған мәселелерді жүзеге асыру жайы пысықталып, ел астанасында атқарылатын діни-рухани шаралар жоспары тыңдалды.

Дереккөз: muslim.kz