Мұқтаж отбасыларға азық-түлік таратылды (ФОТО+ВИДЕО)

ҚМДБ Елорда өкілдігінің ұйымдастыруымен тұрмысы төмен 200 отбасыға қуаныш сыйлаған игі шара болып өтті. «Әр-Рахман» мешітінде ұйымдастырылған қайырымдылық шарасы бойынша Нұр-Сұлтан қаласының шеткі аймақтарында орналасқан тұрмыс жағдайы төмен 200 отбасыға азық-түлік сөмкелері таратылды.

 «Әзірет Сұлтан» мешітіндегі қайырымдылық шараларына үнемі қолдау көрсетіп, демеушілік жасап келе жатқан «Gentlemen`s club» белсенділер тобының мүшелері қайырымдылық шарасынан басынан табылып, қасиетті айдағы сауапты іске өз үлестерін қосты.

Айта кетейік, азық-түлік қоры салынған қайырымдылық пакеттерін тізімдегі жандардың тұрғылықты мекенжайына жеткізіп беру жұмыстарын өкілдік қызметкерлері мен Бас мешіт жанынан құрылған «Sharapat» еріктілер орталығының мүшелері ұйымдастырып келеді.

Суреттерді «ФОТОГАЛЕРЕЯ» айдарынан көре аласыздар!