Науқас сәбидің еміне 1 000 000 теңге табысталды (ФОТО)

Өткен аптада республикалық «Әзірет Сұлтан» мешітінде тағы бір игі шара ұйымдастырылып, сынаққа тап болған бауырларымызға көмек көрсетілді. Нұр-Сұлтан қаласы Әйел-қыздар секторының ұйытқы болуымен 6 жасар Абылайқызы Айша есімді науқас сәбидің еміне қажетті қаражат жинақталып, жексенбі күні арнайы туыстарына табысталды.

Игі шараға Нұр-Сұлтан қаласының бас имамы Ерболат Жүсіпов өзі қатысып, Айшаның арнайы келген туыстарымен жүздесіп, жанашыр лебізін білдірді. Жамағат атынан жиылған қаржыны табыстап, Әйел-қыздар секторының жұмысын айрықша атап өтті.

Шара соңында жамағатпен бірге сәбидің тезірек сауығуын сұрап, дұға жасады.

Дереккөз: Muslim.kz