«ЫРЫСКЕЛДІ ҚАЖЫ» МЕШІТІНДЕ «ҚҰРАНЫМ – АСЫЛ ТӘЖІМ» ШАРАСЫ ӨТТІ (ФОТО)

Астанадағы «Ырыскелді қажы» мешітінде білім алып жатқан әйел-қыздардың Құранға түсуіне орай «Құраным – асыл тәжім» атты шара болып өтті.

Мешіт ұстазы Әлия Умербекованың ұйымдастыруымен өткен жиынға наиб имам Рашит Алпысбаев бастаған дін қызметкерлері мен әйелдер жамағаты қатысты.

Жиын барысында қанша уақыт бойы үздіксіз білім алып, қажыр-қайрат танытып, Құранға түскен әйел жамағатын құттықтай отырып, олардың танытқан ынтасы мен ниетіне ұстаздар қауымы ризашылықтарын білдірді. Бастысы ары қарай тоқтап қалмауды қаперге салып, ілімдерін толықтыру жолында жеңілдік тіледі.

Шара соңында барлық шәкірттерге Құран Кәрім кітабы хадия етілді.