03 ТҮЗЕУ МЕКЕМЕСІНДЕ УАҒЫЗ-НАСИХАТ АЙТЫЛДЫ (ФОТО)

Елордадағы 03 түзеу мекемесінде 150 адам қатысқан жалпы кездесу өтті. Іс-шара барысында "Рамазан – тәрбие айы" тақырыбында уағыз айтылып, қасиетті айдың мәні мен маңызы түсіндірілді. Жиынға қатысушыларға Рамазан айындағы рухани жетілу, сабырлық пен кешірімнің рөлі жайлы насихат айтылып, ислам құндылықтары кеңінен баяндалды.

Шара соңында жиналған жамағат үшін ауызашар дастарханы жайылып, берекелі басқосу рухани сұхбатпен жалғасты. Ұйымдастырушылар мұндай игі іс-шаралардың маңыздылығын атап өтіп, алдағы уақытта да осындай жиындар өткізу жоспарланғанын жеткізді.