«40 ХАДИС» КІТАБЫНАН ӘЙЕЛ ЖАМАҒАТЫ АРАСЫНДА БІЛІМ САЙЫСЫ ӨТТІ (ФОТО)        

«Әзірет Сұлтан» мешітінде орыс тілді әйел жамағаты арасында Имам ән-Нәуәуидің «40 хадис» кітабынан білім сайысы өтті. 

Шараға «Әзірет Сұлтан» мешітінің ұстаздары Күлсара Бекет, Гүлнұр Әбдіманапова және мешіттің шәкірт қыз-келіншектері мен ақ жаулықты әжелер қауымы қатысты.

Сайыста Пайғамбарымыздың (Алланың оған игілігі мен сәлемі болсын) хадистері төңірегінде сұрақтар қойылып, жамағат бар білімдері мен зейіндерін ортаға салды. 

Айта кетсек, ән-Нәуәуидің жинағындағы қырық хадистің әрқайсысы діннің үлкен-үлкен қағидаларын қамтиды, ғұламалар бұл хадистерді өте құнды санаған. Сонымен қатар бұл жинақтағы хадистердің барлығы сахих (сенімді) және олардың басым көпшілігі имам әл-Бұхари мен Муслимнің «Сахих» кітаптарында келген.