«ӘЛ-ФАРАБИ» МЕШІТІ 25 ОТБАСЫҒА «РАМАЗАН СЫЙЛЫҒЫН» ТАРТУ ЕТТІ (ФОТО)

18 наурыз 2025 478 0 Оқу режимі

Астана қаласы өкілдігі Жастар ісі секторының «Әл-Фараби» мешітіндегі жауапты маманы Алтынбеков Аманжолдың ұйымдастыруымен қайырымдылық шарасы өтті.

Қол ұшын сұраған әрбір адамға көмек көрсету, жақсылық істеу – Рамазан айында сауабы еселенетін көркем істерден. Алланың мейірімі мен шапағаты мол айда қайырымдылық жасауда жарысып, жақсылықтың сауабына кенелуді қалаған «Әл-Фараби» мешітінің «Жастар ісі» бөлімі кезекті қайырымдылық шараға атсалысты.

Алла Тағаланың Құранда айтылған «Қайырдан не істесеңдер де, күдіксіз Алла оны біледі» («Бақара» сүресі, 215-аят) деген өсиетіне амал еткен мешіт ұжымы әлеуметтік аз қамтылған мұқтаж 25 отбасыға қажетті азық-түлік себеттері үлестірді. Көмек алушы кісілер мешіт қызметкерлеріне өз ризашылықтарын білдіріп, ізгі ниет-тілектерін жаудырды.