АСХАНА ҚЫЗМЕТКЕРЛЕРІНЕ ХАЛАЛ ТАҚЫРЫБЫНДА СЕМИНАР-ТРЕНИНГ ӨТТІ (ФОТО)

20 қаңтар 2023 246 0
Оқу режимі

Бүгін «Әзірет Сұлтан» мешітінде Елорда мешіттеріндегі асхана қызметкерлерінің Халал индустриясы саласындағы білімін арттыруға арналған семинар-тренинг болып өтті. ҚМДБ «Халал даму» ЖШС директоры Айбек Асқарбекұлы бастаған мамандардың жүргізген тренингіне аспаздармен қоса іс басқарушылар, бірнеше дін қызметкерлері де қатысып, тұшымды мағлұматтар алды.

Мамандар түрлі тағамдағы қоспалардың халал немесе харам екендігін қалай анықтауға болатынын жіктеп түсіндіріп берді. Сондай-ақ, Алла харам еткен тағамдардың зияндығын да ғылыми тұрғыдан түсіндіріп, ас дайындауда қолданылатын  қоспаларды таңдауға кеңестер берді.  

Халал инудстриясының маңыздылығы мен шарттарын, «Халал даму» ұйымының жұмыс бағытын түсіндіре отырып, көптеген тың жайттардың басын ашқан мамандардың баяндамасы қатысушылардың білімін арттыруға біршама үлес қосты. Бұған қоса, арнайы көрнекілік тақтасы арқылы ұсынылған мәліметтер де қатысушылардың білімдерін байыта түсті.

Суреттерді «ФОТОГАЛЕРЕЯ» айдарынан көре аласыздар!

Дереккөз: Muslim.kz

Пікірлер Кіру