АСТАНА ҚАЛАСЫНДА ИМАМДАРДЫҢ БІЛІМІН ЖЕТІЛДІРУ СЕМИНАРЫ ӨТТІ (ФОТО)

Астана қаласында елорда имамдарының білімін жетілдіруге арналған арнайы семинар болып өтті.

Жиынға Бас мүфтидің кеңесшісі Смайыл Сейтбеков, Астана қаласының және «Әзірет Сұлтан» мешітінің бас имамы Ерболат Жүсіпов және елорданың имам, ұстаздары қатысты.

Семинар барысында Смайыл Сүйерқұлұлы дін қызметкерлеріне ислам халифалары туралы мол мағлұмат бере отырып, тарихи оқиғалардың жай-жапсары мен ғылыми тұрғыдан орын алатын мән-жайын түсіндірді.

Жиынға қатысушы имамдар пайдалы мәліметтерге қанық бола отырып, ислам халифаты туралы тереңірек білім алуға мүмкіндік алды. Сол дәуірде орын алған әртүрлі қайшылықтар мен келіспеушіліктердің саяси мәні мен маңызын түсіне отырып, болып өткен оқиғалардан шығар түйіндерді ұғынды.