«Әзірет Сұлтан» мешітінің бас имамы 40 отбасыға азық-түлік табыстады

Астана қаласының және «Әзірет Сұлтан» мешітінің бас имамы Нұрбек Әуесханұлының бастамасымен әлеуметтік жағдайы төмен және көпбалалы 40 отбасыға азық-түлік себеттері табысталды.

Қала бас имамы Нұрбек Әуесханұлы игі іске демеушілік жасаған азаматтарға, сондай-ақ Алла разылығы жолында қызмет етіп жүрген еріктілер мен қайырымды жандарға ризашылығын білдіріп, олардың еңбектеріне береке, отбасыларына амандық тіледі.

Қайырымдылық шарасының жоғары деңгейде ұйымдастырылуына Қазақстан мұсылмандары діни басқармасы жанындағы «Зекет және қайырымдылық» қорының Астана қаласы бойынша жауапты маманы Нұрбол Оразбай бастаған мешіт жанашырлары мен еріктілер белсене атсалысты. Олар азық-түлік қоржындарын дайындау, жеткізу және тарату жұмыстарын ұйымдастырды.

Дереккөз: ҚМДБ Астана қаласы өкілдігінің баспасөз қызметі