Елорданың үздік азаншысы анықталды (ФОТО+ВИДЕО)
Бүгін Нұр-Сұлтан қаласындағы «Әл-Ғани» мешітінде Елорда өкілдігі бойынша азаншылар байқауы болып өтті. IV Республикалық азаншылар сайысының Нұр-Сұлтан қаласы бойынша іріктеу кезеңіне 10-ға жуық үміткер қатысып, әділқазылар мен жамағат алдында өз қабілеттерін паш етті.
ҚМДБ Уағыз-насихат бөлімінің меңгерушісі Батыржан Мансұров, Республикалық Қарилар даярлау орталығының директоры Сәдуақас Олжабайұлы және Нұр-Сұлтан қаласының бас имамы Ерболат Жүсіпов аталмыш сайысқа қазылық жасап, үміткерлердің дауыс ырғағы мен қырағатына, жеткізу мәнеріне қарай үздігін анықтауға тырысты. Сондай-ақ, қатысушылардың азан дұғасын айтуы мен тарихына қатысты білімдері де қатар тексеріліп отырды.
Сайыс нәтижесі бойынша «Әзірет Сұлтан» мешітінің ұстазы Ерлан Базарбайұлы І-орын иеленіп, жақында болатын «Әдемі әуезді азаншы» IV Республикалық азаншылар сайысына жолдама берілді. Іріктеу байқауының ІІ және ІІІ орындары «Әл-Ғани» мешітінің азаншысы Абдулбасит Қадыршаев пен «Раиса ана» мешітінің азаншысы Әбдуәли Әбжановқа бұйырды.
Суреттер топтамасын «ФОТОГАЛЕРЕЯ» айдарынан көре аласыздар!
%20(%D0%9A%D0%BE%D0%BF%D0%B8%D1%80%D0%BE%D0%B2%D0%B0%D1%82%D1%8C).jpg)
%20(%D0%9A%D0%BE%D0%BF%D0%B8%D1%80%D0%BE%D0%B2%D0%B0%D1%82%D1%8C).jpg)
%20(%D0%9A%D0%BE%D0%BF%D0%B8%D1%80%D0%BE%D0%B2%D0%B0%D1%82%D1%8C).jpg)
%20(%D0%9A%D0%BE%D0%BF%D0%B8%D1%80%D0%BE%D0%B2%D0%B0%D1%82%D1%8C).jpg)
%20(%D0%9A%D0%BE%D0%BF%D0%B8%D1%80%D0%BE%D0%B2%D0%B0%D1%82%D1%8C).jpg)
Дереккөз: Muslim.kz
