Отандық компания мешітке ауа тазартқыш құрал тарту етті (ФОТО)

Бүгін Нұр-Сұлтан қаласындағы «Әзірет Сұлтан» мешітіне отандық OTRI компаниясы өз өнімдерін тарту етті. Сауда нарығында жақында пайда болған OTRI компаниясы ауа тазартқыш және зарарсыздандырғыш құрылғылар жасап шығарумен айналысады.

Аталмыш компания өкілдері Рамазан айының құрметіне орай «Әзірет Сұлтан» мешітіне арнайы келіп, жамағат көп жиылатын Құран бағыштау бөлмесіне ауа тазартқыш құрылғысын тегін орнатып берді.Мешіт бас имамы Ерболат Жүсіпов компания өкілдеріне алғысын білдіріп, жамағатпен дұға жасады.

Дереккөз: Muslim.kz