Қыздар арасында ІІ Республикалық қарилар байқауының жеребесі тартылды (ФОТО)

Қазақстан мұсылмандары діни басқармасының ұйымдастыруымен Құран Кәрімді жатқа оқудан қыздар арасындағы ІІ республикалық байқаудың жеребе тарту рәсімі өтті.

Елорда төріндегі «Әбу Насыр әл-Фараби» мешітінде өткен жеребе тарту рәсіміне төрешілер, үміткерлер мен қари ұстаздар, сондай-ақ байқау ұйымдастырушылары қатысты.

Наурыз айының 9-10 күндері Қазақстан мұсылмандары діни басқармасының «әл-Фараби» залында өтетін байқауда қарилар 5 пара, 10 пара, 20 және 30 параны жатқа оқудан бақ сынайды.

«Қазір әлем бойынша әйел қарилар арасындағы ең жасы – 4 жаста болса, Құранды толық жаттаған ең егде қари 67 жаста екен. Осы байқауға қатысу үшін еліміздің түкпір-түкпірінен келдіңіздер. Алла Тағала қадамдарыңызға мол сауаптан жазып, байқауымызға береке берсін! Баршаңызды жарысқа сақадай сай деген сенімдеміз. Сәттілік тілейміз», – деді Діни білім және кадр даярлау бөлімінің меңгерушісі Смайыл Сейтбеков.

Айта кетейік, байқауға 47 қари қатысса, олардың ең жасы 11 жаста болса, ең үлкені – 27-де.

Дереккөз: ҚМДБ баспасөз қызметі