«ТӨЛЕБАЙ» МЕШІТІНДЕ ИҒТИКАФТАҒЫ ЖАМАҒАТҚА УАҒЫЗ АЙТЫЛДЫ

Астанадағы «Төлебай» мешітінде рамазан айының соңғы 10 күндігінде иғтикаф құлшылығында жүрген жамағатқа үгіт-насихат айтылды.

«Сәдуақас қажы Ғылмани» мешітінің ұстазы Ерасыл Жайыров «Ауызбіршілік» тақырыбында уағыз айтып, жамағатты ынтымаққа шақырды.

Айта кетсек, иғтикаф – рамазан айының соңғы 10 күнінде Аллаға жақындау, өз-өзін тәрбиелеу және рухани тазалыққа ұмтылу мақсатында жасалатын ерекше құлшылық. Бұл кезеңде жамағат мешітте уақыттарын намаз, дұға және Құран оқумен өткізіп, жүректерін иманға толтырады және Алламен байланысын нығайтады.

Дереккөз: ҚМДБ Астана қаласы өкілдігінің баспасөз қызметі