ВИКТОРИНАЛЫҚ ОЙЫН ЖЕҢІМПАЗДАРЫНА КІТАПТАР ТАРАТЫЛДЫ (ФОТО)

«Әзірет Сұлтан» мешітінде «Muftyat» баспасынан жарық көрген кітаптардың таныстырылымынан соң дін мен дәстүр төңірегінде жамағат арасында викториналық сұрақ-жауап ойыны өтті.

Шара барысында «Әзірет Сұлтан» мешітінің ұстаздары Ерсайын Сәкенов пен Шалқар Жолды  жамағатқа арнайы сұрақтарды жолдап, дұрыс жауап берген жандарға «Бабалар ізімен: Қазақ даласындағы мұсылмандық мектеп» және «Дін мен дәстүр» кітабы сыйға берілді.

Айта кетсек, Қазақстан мұсылмандары діни басқармасының «Muftyat» баспасынан қазіргі кезде рухани ағартушылық бағытта көптеген құнды кітаптар шығарылып келеді. Оларды мешіт ішінде орналасқан діни дүңгіршектер мен арнайы кітап дүкендерінен де таба аласыз.