«ЫРЫСКЕЛДІ ҚАЖЫ» МЕШІТІНІҢ АУЛАСЫНА ҚОСЫМША КӨЛІК ТҰРАҒЫ САЛЫНДЫ (ФОТО) 

Қазақстан мұсылмандары діни басқармасы Астана қаласы өкілдігіне қарасты «Ырыскелді қажы» мешітінің ауласына қосымша тұрақ салынды.

Мешіт бас имамы Нұрлан Байжігітұлының мұрындық болуымен жүзеге асқан бастама аясында жамағаттың сұрауы бойынша тағы қосымша 150 көлік сыйатын автотұрақ салынып бітті.

Айта кетсек, биылғы жылы Астана қаласы өкілдігіне қарасты көптеген мешіттерде күрделі жөндеу жұмыстары жүзеге асты. Құлшылық үйлерінің ішкі және сыртқы бөліктері қалыпқа келтіріліп, одан әрі сәулетті болуы үшін көптеген жұмыстар атқарылды.