«ЖУСАН» ОПЕРАЦИЯСЫМЕН КЕЛГЕН 10 ОТБАСЫҒА АЗЫҚ-ТҮЛІКПЕН КӨМЕК БЕРІЛДІ (ФОТО)

Қазақстан мұсылмандары діни басқармасы Астана қаласы өкілдігінің ұйытқы болуымен «Жусан» операциясы бойынша елге оралған 10 отбасыға азық-түлікпен көмек көрсетілді.

«Әзірет Сұлтан» мешітінің ұстазы, жат ағым бағыты бойынша Астана қаласы өкілдігіндегі жауапты маман Рахымқазы Қабдысалым тиісті отбасыларға күнделікті тұрмысқа қажетті азық-түліктер салынған арнайы сөмкелерді табыстап шықты.

Айта кетсек, кезінде «Жусан» операциясымен елге оралған отандастарға бүгінгі күні ҚМДБ тарапынан діни оңалту жұмыстары үздіксіз жүргізіліп, тіпті қайырымдылық шаралары да өткізіліп келеді.