«ӘЗІРЕТ СҰЛТАН» МЕШІТІНДЕ ҚҰЛШЫЛЫҚҚА ҚАДАМ БАСҚАН ЖАМАҒАТҚА НАМАЗ ДӘРІСІ ӨТТІ (ФОТО)

«Әзірет Сұлтан» мешітінде намаз оқуды үйреніп, құлшылық жолына енді ғана қадам басып жатқан жамағатқа арналған намаз дәрістері өткізілді.

Мешіттің наиб имамы Махмұд Қасым жиналған жамағатқа намаз оқуды жан-жақты түсіндіретін арнайы кітапшаларды тарата отырып, құлшылықтың негізгі тірегі саналатын намаздың қадір-қасиеті мен маңызы туралы кеңінен баяндады. Сонымен қатар, намаздың сыртқы рәсімдерімен қатар, оның рухани мәні мен адам өміріндегі орнына тоқталды.

Іс-шараның мақсаты – жамағаттың діни сауатын арттыру, намаз үйренуге ниет еткен жандарға қолдау көрсету. Дәріс арқылы жамағат мүшелері намаздың парыздары мен сүннеттерін, дәрет пен тазалық үкімдерін егжей-тегжейлі меңгеріп, өз сұрақтарына нақты жауап алды.