Iman kúsheıtýdiń 8 tásili

23 qańtar 2020 5841 0
Оqý rejımi

Alla Taǵala – bizdiń Jaratýshymyz. Adam tabıǵatyn Odan artyq eshkim bilmeıdi. Bizdiń ımanymyz bir qalypta, bir deńgeıde turmaıdy. Álsireıdi, kúsheıedi. Allanyń meıirim esikteri árdaıym ashyq. Jáne Ol bizdiń qajettiligimizdi bilgendikten de ımanymyzdy kúshteýdiń kóptegen tásilderin kórsetken:

ALLANY TANÝ, ONYŃ ESIMDERI MEN QASIETTERIN ZERTTEÝ.

Taqýa adam óziniń Jaratýshysyn árdaıym zertteıdi. Odan suraıdy, shúkir etedi, rahmetin bildiredi. Bul isterdiń barlyǵyn Allanyń kórkem esimderi arqyly atqarý abzal. Osy esimderi arqyly adam balasy Allasyn odan saıyn tanı túspek. Allanyń esimderi – bul adamnyń júregi men tilindegi dúnıeniń eń kórkemi.

«Allaǵa shaqyryńdar nemese Meıirimdige shaqyryńdar. Oǵan qalaı shaqyrsańdar da Onyń esimderi eń kórkem esimder»[1].

ONYŃ JARATQANDARYNA QARAP OILANYŃDAR

«Jer betinde sengen adamdarǵa, sondaı-aq ózderiń úshin de belgi bar».[2]

Barlyq jaratylys Alla Taǵalanyń haqtyǵyn ǵana bildirip tur. Jerdegi qumnan bastap kóz ushyndaǵy taýlarda da baıyptap qaraǵan adam úshin ǵıbrat bar. Ár jaratylys zatynan Allanyń qudyretin kórýge bolady. Barlyq tirshilik Jaratýshy syzyp bergen shemamen jalǵasýda. Ár nárse óz ornynda.

MÚMKINDIK BOLǴAN SAIYN DUǴA JASAÝ.

Duǵa – adam jasaıtyn eń qýatty, eń laıyqty qulshylyq. Allamen duǵa arqyly baılanysta bolýdyń úlken kúshi jáne mańyzy bar. Duǵa – taqýanyń qarýy.  Duǵa adamnyń Allaǵa degen senimin kórsetip, árkez onyń ımanyn kúsheıte beredi.

«Eger Meniń quldarym senen Men týraly surar bolsa, Men olarǵa óte jaqynmyn jáne Maǵan shaqyryp, suraǵanǵa jaýap beremin. Olar Maǵan jaýap berip, Maǵan sensin, sonda durys jolda bolady».[3]

ALLANY ESKE ALÝ

Quranda: «Rasynda, Allany eske alǵanda ǵana júrekter tynyshtyq tabady»;[4]

«O, senim keltirgender! Senderdiń múlikteriń men balalaryń Allany eske almaýǵa sebep bolmasyn!»;[5]

«O, senim keltirgender! Allany kóp márte eske alyńdar, Oǵan tańerteń jáne kún batqanda madaq aıtyńdar».[6]

Allany zikir arqyly eske alý adam júregin tynyshtyqqa, kóńilin alańsyzdyqqa bóleıdi.

QURAN OQÝ

Quran jan men tánniń daýasy. Quranda kez kelgen suraqqa jaýap bar. Allanyń sózderinde daýa bar. Quran adamnyń júregin, aqyl-sanasyn, janyn nurǵa bólep, senimin, ımanyn arttyrady.

BILIM ALÝǴA UMTYLÝ

«Kimge bilim berilgen bolsa, munyń Alladan ekenin bilsin. Bul olardyń senim keltirýi jáne boıusynýy úshin qajet. Rasynda Alla senim keltirgenderdi durys jolǵa salady»[7].

Bilim alýǵa talpyný laıyqty túrde qulshylyq jasaýǵa, Jaratýshynyń qudyretin tanýǵa jetkizedi. Durys bilim ımandy kúsheıtedi, minezdi kórkem etedi jáne qulshylyqty shynaıy boıusynýshylyqpen jasaýǵa ıtermeleıdi.

JAQSY ISTER JASAÝ

Islam – jaqsylyq, meıirim men súıispenshilik dini. Adam jaqsy ister jasaǵan saıyn, jaqsylyqqa jaqyn bolǵan saıyn ımany kúsheıe beredi.

«Taqýa erler men áıelderge jaqsy ómir násip etip, jasaǵan jaqsy isteri úshin saýap jazamyz»[8].

JAQSY ADAMDARǴA JAQYN JÚRÝ

Dostyqtyń orny Islamda óte mańyzdy. Jaqsy dos joldasynyń qatesin túzeıdi. Qatelik jasaýyna jol bermeıdi. Jaqsy dos ta, jaman dos ta janyndaǵy adamǵa zor yqpal jasaıdy. Mine dostyń durys bolmaǵy osy úshin de mańyzdy.

Ámına Omarova

 


[1] «Isra» súresi, 110-aıat.
[2] «Zarııat» súresi, 20-21 aıattar.
[3] «Baqara» súresi, 186-aıat.
[4] «Raǵyd» súresi, 28-aıat.
[5] «Mýnafıqýn» súresi, 10-aıat.
[6] «Ahzab» súresi,41-42 aıattar.
[7] «Haj» súresi, 54-aıat.
[8] «Nahl» súresi, 97-aıat.

Pіkіrler Kіrý