BAÁ mektepterinde ádeptilik emtıhandary ótkizilmek

BAÁ bıligi ádep tárbıesi boıynsha mektep oqýshylarynan emtıhan alyp, jasóspirimder boıyndaǵy ıgi qasıetterin baǵalaýdy bastap kórgeli otyr. Qańtar aıynyń sońynda Abý-Dabı qalasynda ótken konferentsııa barysynda UAE Moral Education Programme kompanııasynyń ókilderi óz jobalaryn usynǵan bolatyn.

Osyǵan oraı, endi ámirliktiń 70 mektebindegi 3,5,7 jáne 9-synypta oqıtyn 10 000 oqýshy alǵashqy synaq tájirıbesinen ótip, test tapsyratyn bolmaq.

Atalmysh baǵdarlama boıynsha basqarmanyń jaýapty dırektory Mýhammed Ál Neaımı aıtýynsha, bul joba psıhometrıkalyq saýaldar arqyly oqýshynyń túsinik deńgeıin anyqtap, tıimdiligi birden baıqalatyn kórinedi.