Aq shashty julýǵa bola ma?

Assalamý aleıkým! Aq shashty nemese saqaldyń aǵyn julýǵa bola ma? Bul jóninde sharıǵatta ne aıtylǵan?

Ответ

Ýa aleıkým assalam!

Amr bın Shuǵba (r.a.) rıýaıat etken hadıste: «Aq shashty julmańdar, óıtkeni, ol – musylmannyń nury. Qaısybir musylman Islamdy oryndaı júrip, shashyna bir tal aq tússe, oǵan saýap jazylyp, bir dárejege kóterilip, bir kúnási keshiriledi», – delingen.

Al, Ánas bın Malık (r.a.) baıan etken bir hadıste: «Kisiniń shashynan jáne saqalynan aq shashty julýy – makrýh», – dep aıtylady.

Túıindeı aıtqanda, shash pen saqaldaǵy aq tal shashty julýǵa bolmaıdy. Al, hna sııaqty tabıǵı boıaýlarmen túsin ózgertýge ruqsat etiledi.