Sýyq kúnde ǵusyl almasa bola ma?

Assalaýmaleıkúm! Qazir kún sýydy. Sý da sýyq, arnaıy jýyný oryndary bolmasa ǵusyl alý qıynǵa soǵyp júr.(Monshaǵa barýǵa qarajat jetkiliksiz). Táıamúm soǵaıyn desem, salqyn sý bar. Aldyńǵylar osyndaı joldardan qalaı shyqty eken. Marat Erjigitov

Ответ

Ýa aleıkým assalam!

Sýdy jylytatyn zat bolmaı, sýyq kúıinshe qoldanýdyń zııany tııýinen qaýiptengen adamǵa taıammým soǵýǵa ruqsat etiledi. Hanafı mazhaby boıynsha mundaı jaǵdaıda dárettiń emes, tek ǵusyldyń ornyna ǵana taıammým alýǵa ruqsat. Tipti, jolaýshy bolmasa da. Eger onyń monshaǵa baratyn qarajaty nemese sýdy jylytatyn zaty bolmasa[1].

Sahaba Jabır (r.a.) myna áńgimeni baıandaıdy: Biz saparǵa shyqqan bolatynbyz. Aramyzdaǵy bir kisiniń basyna tas tıip, jaraqat aldy. Ol tańerteń tursa júnip bolyp qalyp: «Meniń taıamým alýymdy jón sanaısyńdar ma?», - dep suraıdy. Joldastary: «Joq, ruqsat joq dep oılaımyz. Óıtkeni, sý qol astyńda tur», - deıdi. Ol kisi ǵusyl quıynyp (syrqaty asqynyp) qaıtys bolady.

Biz sapardan qaıta oralǵasyn Alla elshisiniń (s.ǵ.s.) quzyryna baryp, bolǵan mán-jaıdan habardar ettik. Sonda ol kisi: «O, Alla! Ony óltirgen ekensińder! Bilmeseńder, suramaısyńdar ma? Bilmegenniń daýasy – jón suraý. Rasynda, ol kisige taıammým etip, jaraqatyn tańyp, denesiniń ózge múshesin jýýǵa bolar edi[2]», – dep aıtqan.

Rýslan Kambarov

[1] Ý.Zýhaılı, Islam fıqh Entsıklopedııasy, 1-tom, 494-bet
[2] Ábý Daýd, Daraqýtnı