Qyz balasyna mahramsyz jolǵa shyǵýǵa bola ma?
Assalamý aleıkým! Qazirgi tańda, qyz balasy mahramsyz oqý, saıahat jáne issapar sııaqty túrli sebeptermen jolǵa shyǵady. Osylaısha qyzdyń saparǵa shyǵýyna bola ma?
Ответ
Ýa aleıkým assalam!
Áıeldiń eshbir mahram týysynsyz saparǵa shyǵýy joldyń, kóliktiń, baratyn jerdiń qaýip-qatersiz bolýy jáne áıeldiń eshbir qıynshylyq kórmeýimen tyǵyz baılanysty.
Ǵadı bın Hatım (r.a.): «Eger ómiriń uzaq bolsa, Hıradan jolaýshy bop shyǵyp, Kaǵbany taýap etip, Alladan basqa eshkimnen qoryqpaıtyn áıeldi kóresiń[1]», – degen hadısti jetkizedi.
Sonymen birge, Paıǵambarymyz (s.ǵ.s.): «Meniń janym qolynda bolǵan Allamen ant etemin, bul isti (Islam dinin) Alla qaýipsiz etedi. Tipti, jolaýshy áıel eshbir seriginsiz Hıradan shyǵyp, Allanyń úıin (Kaǵbany) taýap etedi[2]», – degen.
Ǵalymdar osy maǵynalas hadısterdi negizge ala otyryp, barlyq jaǵynan sapar qaýipsiz bolǵan jaǵdaıda áıel jalǵyz jolaýshy bop júre alatynyn aıtqan. Al, áıeldiń mahramsyz sapar qashyqtyǵyna jolǵa shyǵýyn tyıym salǵan hadıster joldaǵy kezdesetin qaýip-qater sebepti aıtylǵan.
Qoryta aıtqanda, áıeldiń jalǵyz jolaýshy bop saparǵa shyǵý úshin úıinen kózdegen jerine baryp-qaıtqansha jáne jol ústinden tolyǵymen qaýipsiz bolýy qajet. Al, áıeldiń ómirine, ar-namysyna záredeı qaýip bolsa, dinı amaldaryn oryndaýda qıyndyq týyndasa, mindetti túrde janynda qorǵan bolatyn marham týysy bolýy tıis.
