Qyzyma Ýmmý Sálama dep esim qoısam bola ma?

Assalamý aleıkým ýa rahmatýllahı ýa barakatýh!

Men jaqynda qyzdy bolamyn, Insha Alla! Qyzymnyn esimin Ýmmý Sálama dep qoısam bola ma? Jáne bul esim týraly týsindirseńizder!

Ответ

Ýa aleıkým assalam ýa rahmatýllahı ýa barakatýh!

Úmmý Sálama – Sálamanyń anasy degen maǵynany bildiredi. Arab halqynda tuńǵysh balasynyń esimine Ábý (ákesi) jáne Úmmý (anasy) dep qosyp ataý salty bar. Muny Kúnııa dep ataıdy. Mysalǵa, Paıǵambarymyzdyń (s.ǵ.s.) kúnııasy – Ábýl-Qasym. Sebebi, Qasym atty uly bolǵan.

Úmmý Sálamanyń óz esimi – Hınd Úmmaııaqyzy. Kúıeýi qaıtys bolyp, topty bala-shaǵasymen jesir qalǵan áıelge qamqorlyq jasaý maqsatymen úshin Paıǵambarymyz (s.ǵ.s.) oǵan úılenedi. Osylaısha, Úmmý Sálama – «musylmandar anasy» bolady.

Qazaq halqynda da tanymal tulǵalardyń týylǵanda qoıylǵan esimderinen bólek, el-jurtqa basqa atymen tanylǵandyǵyn tarıhta jaqsy bilemiz. Mysalǵa, Qunanbaıuly Ibrahım – Abaı, Shyńǵysuly Muhammed-Hanafııa – Shoqan degen atpen máshhúr. Jurt ta balasyna Abaı nemese Shoqan t.b. esimder berip jatady. Sol sııaqty Úmmý Sálama da «Sálamanyń anasy» emes, tarıhı tulǵa esimi sııaqty qalyptasqan. Sondyqtan, erik ózińizde. Eń bastysy – deni saý, ımandy urpaq bolǵaı!