Massaj jasatýdyń úkimi qandaı?

24 aqpan 2021 691 0
Оqý rejımi

Assalamý aleıkým! Massaj jasatýǵa bola ma? Onyń qandaı talaptary men tyıymdary bar?


Ответ

Ýa aleıkým assalam! Denege massaj jasatýdyń eki túri bar:

1.Medıtsınalyq massaj

Medıtsınalyq massaj – adamnyń jalpy densaýlyǵy úshin nemese belgili bir dene múshe, bulshyq etiniń jaraqat nemese soqqydan keıin tez qalpyna keltirý úshin jasalatyn massaj. Massajdyń bul túrin emhana sııaqty medıtsınalyq ortalyqtar kórsetedi. Emdik massajǵa qoıylatyn talaptar tómendegideı:

  • Emdeý barysynda áýretke qaraý jáne qol tıgizýge ruqsat etilmeıdi. Er kisiniń áýreti: tize men kindik arasy, al áıeldiń áýreti: bet-júzi, qos alaqany jáne tobyqtan tómen aıaqtarynan basqa denesi túgeldeı áýret;
     
  • Er adamdy erkek dáriger, áıeldi áıel dáriger qarap emdeýi tıis;
     
  • Emdik úshin naýqastyń áýretine qaraý jáne qol tıgizý qajet bolsa, aǵzanyna tek kerekti mólsherde ǵana ashýǵa jáne qol tıgizýge ruqsat. Imam Naýaı: «Qajettilik retinde bet-júzi men qos qolyna qaraý jetkilikti. Al, adamnyń basqa múshesine qaraýy qajettilikke qaraı belgilenedi[1]», – deıdi;
     
  • Áıeldi emdeıtin áıel dáriger bolmaǵan jaǵdaıda emdelýshi áıeldiń janynda jaqyn týysy nemese bir áıeldiń bolýy qajet.

2. Kemeldik massajy

Kemeldik massaj – dene músheni sergitý, raqat berý, pıllıng sııaqty maqsatta jasalatyn massaj. Massajdyń bul túrine qatysty mynadaı talaptar bar:

  • Áıel mamannyń er kisige nemese er mamannyń áıelge massaj jasaýy bútindeı jáne túbegeıli tyıym salynady. Bul – úlken kúná. Zınanyń bir túri. Paıǵambarymyz (s.ǵ.s.): «...Kózdiń zınasy – qaraý, qulaqtyń zınasy – estý, tildiń zınasy – sóıleý, qoldyń zınasy – ustaý...[2]», – degen;
     
  • Er maman er kisige massaj jasaýy. Erkek maman er kisiniń áýretine qaramaı jáne qol tıgizbeı massaj jasaýyna ruqsat.
     
  •  Áıel maman áıel kisige massaj jasaýy. Áıel maman áıel kisiniń áýretine qaramaı jáne qol tıgizbeı massaj jasaýyna ruqsat.

 


[1] Raýdat Tolıbın, 5/276
[2] Buharı, Mýslım

Pіkіrler Kіrý