Ramazan aıynda jaman tús kórip uryq bólinýi orazany buzady ma?

assalaýmaǵaleıkým! Ramazan aıynda jaman tús kórip uryq bólinýi orazany buzady ma?

Ответ

Ýaǵaleıkýmassalam!

Ramazan aıynda tús kórý arqyly uryq shyqsa orazaǵa esh kedergi qylmaıdy. Meıli, adam kúndiz júnip bolsyn nemese túnde júnip bolyp, sol qalpymen tań atyrsa da orazasy buzylmaıdy. Óıtkeni uryq onyń qalaýynsyz shyqty.  

«Muhtasar ál-Qudýrı» kitabynda bylaı keledi: «Eger adam uıyqtap jatyp tús kórgendikten júnip bolyp qalsa nemese bir áıelge qarap otyryp mánı bólinse orazasy buzylmaıdy».

Aısha anamyz (Alla odan razy bolsyn): «Men Paıǵambarymyzdyń (oǵan Allanyń salaýaty men sálemi bolsyn) jaqyndasqan sebepti júnip halinde tańdy attyryp, orazasyn ustaǵanyna kýámin» – dedi.   

Sondaı-aq uıqydaǵy kisige úkim júrmeıdi. Aısha anamyz jetkizgen hadıste, Alla elshisi (oǵan Allanyń salaýaty men sálemi bolsyn): «Qalam úsh kisiniń amalyn jazbaıdy, uıqydaǵy kisi oıanbaıynsha, aýyrǵan kisi aıyqpaıynsha, sábı balıǵatqa tolmaıynsha» – dep aıtty.

Bul kisi tek namazyn oryndaý úshin ǵusylyn alady.

fatua.kz