Etekkir kezinde músheqappen jaqyndasýǵa bola ma?

19 maýsym 2021 12615 0
Оqý rejımi

Ássálamý aleıkým! Suraǵym yńǵaısyzdaý bolsa da jaýap berýlerińizdi suraımyn. Áıelderimizde etekkir ýaqyty bolǵan kezde, músheqappen jaqyndasýǵa bola ma? Sharıǵatymyzda ne aıtylǵan?


Ответ

Ýa aleıkým assalam!

Qasıetti Quran Kárimde: «Olar senen etekkir jaıynan suraıdy. Olarǵa: «Ol jıirkenishti nárse, etekkir kezinde áıelderden aýlaq bolyńdar. Olarǵa tazarǵanǵa deıin jaqyndaspańdar. Qashan olar naq tazarsa, olarǵa Allanyń ózderińe buıyrǵan jerinen jaqyndasyńdar» de. Sháksiz Alla táýbe etýshilerdi jaqsy kóredi ári taza bolýshylardy da jaqsy kóredi»[1] delingen. Iaǵnı, haıyz (etekkir) las nárse retinde bekitilip, odan uzaq turý buıyrylǵan.

Hanafı jáne Málıkı mázhabynyń ǵulamalary aıattaǵy «aýlaq bolyńdar» degen sózdi – «áıel kisi haıyz kezinde, onyń kindigi men tizesiniń arasynan saqtaný/aýlaq bolý»[2] dep túsindirgen.

Sondyqtan áıel kisiniń haıyz ýaqytynda onymen jynystyq qatynastan saqtaný mindet. Músheqappen de qatynasta bolýǵa bolmaıdy, kindik pen tizeniń arasynan aýlaq bolý kerek. Al, jynystyq qatynas oryn alǵan bolsa táýbe etip, Alladan keshirim suraýy mindetti[3]. Sebebi – tyıym salynǵan haram is bolǵandyǵynan. 

Belgili Islam ǵulamasy ımam Sabýnı: «Iahýdıler áıelderi haıyz bolsa, olarmen birge jemeıtin, ishpeıtin jáne bir bólmede de birge turmaıtyn. Al, hrıstıandar haıyzǵa mán bermesten taza kezindegideı qatynasta boldy. Islam dini ǵana orta joldy ustanyp, jynystyq qatynastan saqtaný kerektigin kórsetken, al basqa jaıdaılar (qushaqtaý, súıý t.b) ádettegideı»[4] dep, sharıǵattyń sharttaryn baıandaǵan.

 


[1] Baqara súresi, 222.
[2] ás-Sabýnı, Mýhammed Alı, Raýaıǵýl-Báıan, 279 bet.
[3] ás-Sabýnı, Mýhammed Alı, Raýaıǵýl-Báıan, 280 bet.
[4] ás-Sabýnı, Mýhammed Alı, Raýaıǵýl-Báıan, 277 bet.

Pіkіrler Kіrý