Ishkilik ishýdi balger qoıdyra ala ma?

26 maýsym 2021 5906 0
Оqý rejımi

Assalaýmaǵaleıkým! 

Aǵam araq ishedi jáne sońyna túsip ketken. Eshqandaı sóz ótpeıdi, sanasyna jetpeıdi. Jaqynda jeńgem bir qurbysynyń kúıeýi araqty ishýin qoıǵanyn, oǵan sebep emshiniń Quranmen oqytyp bir túımedeı birdeńeni onyń shaıyna qosyp bergeni eken. Emshi adamnyń sýretine qarap otyryp onyń nemen aýyratynyn, araqty qoıyp kete alý múmkindiginiń bar-joǵyn da aıtatyn kórinedi. Osyndaı kisilerge barýǵa bola ma? Onyń emshi ekenin álde, balshy-balger ekenin túsine almaı otyrmyn.


Ответ

Ýaǵaleıkýmassalam!

Jalpy Alla qandaı da bir dert berse, mindetti túrde onyń emin de beredi. Bizdiń mindetimiz – sol emdi tynbaı izdeý. Araq qoıdyrýǵa baılanysty medıtsınada birneshe ádis qalyptasqan. Máselen, arnaıy dáriler bar.

Sahaba Ábý Huraıra (Alla oǵan razy bolsyn) Paıǵambarymyzdyń (Allanyń oǵan salaýaty men sálemi bolsyn): «Alla qandaı da bir dert berse mindetti túrde onyń emin de beredi»[1] degen hadısin jetkizedi. Al sizdiń sózińizdi saralaı otyryp, ol emshiniń balshy-balger ekendigin aıtýǵa bolady. Sondyqtan ondaı adamǵa barýǵa sharıǵı turǵydan bolmaıdy. Óıtkeni ol ǵaıyp bir isti boljap otyr. Al Qasıetti Quran aıattary men hadısterde ǵaıyp ister jaıly boljam jasaýdyń úlken kúná ekendigi eskertilgen. «Alla Taǵala bylaı deıdi: «(Ýa, Muhammed, Allanyń oǵan salaýaty men sálemi bolsyn) Alladan ózge kókter men jerdegilerdiń eshbiri ǵaıypty bilmeıdi. Olar ózderiniń qashan tiriletinderin de sezbeıdi dep aıt»[2].

Abdýlla ıbn Masǵudtan (Alla oǵan razy bolsyn) jetken rıýaıatta Allanyń Elshisi (Allanyń oǵan salaýaty men sálemi bolsyn): «Kimde-kim balgerge ne baqsyǵa baryp, onyń aıtqanyn rastasa, ol Muhammedke (Allanyń oǵan salaýaty men sálemi bolsyn) túsirilgenge (Islam dinine) kúpirlik keltiredi»[3], – dep eskertken.

QMDB Sharıǵat jáne pátýa bólimi
fatua.kz


[1] Hadısti ımam Buharı rıýaıat etken.
[2] «Námil» súresi, 65-aıat.
[3] Hadısti ımam Hákim rıýaıat etken.

Pіkіrler Kіrý