Áıel kúıeýiniń ruqsatynsyz nápil oraza tuta alady ma?

Assalamý aleıkým! Erejep jáne shaǵban aılarynda oraza tutýǵa nıet etip jatady. Suraıyn degenim, nápil oraza ustaý úshin kúıeýimnen ruqsat suraýym qajet pe?

Ответ

Ýa aleıkým assalam!

Sharıǵatymyz boıynsha, eger kúıeýi ruqsat bermese, áıeldiń nápil oraza tutýyna bolmaıdy. sebebi, kúıeýi kúndiz áıelimen jaqyndasýdy qalaýy múmkin. Sondyqtan, kúıeýiniń aqysyna zııan tıgizbeý úshin áıeli aldyn ala oraza tutatynyn eskertip, eriniń ruqsatyn alýy kerek. Paıǵambarymyzdyń (s.ǵ.s.) hadısinde: «Kúıeýi úıinde bola tura, onyń ruqsatyn almaı áıelge oraza tutýǵa bolmaıdy[1]», – dep aıtylǵan.

Al, eger áıel kúıeýiniń tyıymyna qulaq aspastan nápil oraza ustaıtyn bolsa, Paıǵambar (s.ǵ.s.) ámirine qarsy áreket etkeni úshin saýap emes, kúná jazylady. Buǵan qosa, áıeldiń kúıeýine boıusynýy – ýájip is.

Degenmen, er kisi áıeline nápil oraza tutýǵa ruqsat berýi abzal. Oraza áıeldiń minez-qulqyn túzep, erik-jigerin kúsheıtedi.

Rýslan Kambarov

---

[1] Buharı, Mýslım