Fatıha súresiniń qansha ataýy bar?

Assalamý aleıkým! Fatıha súresiniń ataýy kóp dep estidim. Osy súreniń ataýlary jaıly aıtyp berseńizder.

Ответ

Ýa aleıkým assalam!

Fatıha súresiniń ımam Qurtýbı (r.a.) atap ótken on eki ataýy bar. Olar:

1. ás-Solát (namaz). Ábý Hýraıradan (r.a.) jetken: «Namaz Meniń jáne qulymnyń aramyzda ekige bólingen...[1]» degen hadıs negizinde;
2. Sýrat Hamd (madaq súresi). Súre Alla Taǵalany madaqtaýmen bastalǵandyqtan;
3. Fatıhat Kıtab (Qurannyń betashary);
4. Úmmý Kıtab (Kitaptyń atasy[2]);
5. Úmmý Quran (Qurannyń atasy[3]);
6. ál-Masanı (qaıtalanýshy) Úbaı bın Kaǵb (r.a.) rıýaıat etken hadıste: «...Ol jeti qaıtalanýshy (aıattar), ol jóninde Alla Taǵala: «Biz saǵan qaıtalanatyndardan jeteýin jáne uly Qurandy berdik[4]», – degen[5]»;
7. Quran azym. (uly Quran[6]) ;
8. ásh-Shıfa (shıpa[7]);
9. ár-Ruqııa (em, dem[8]);
10. ál-Asas (negiz);
11. ál-Ýafııa (tolyq qamtýshy);
12. ál-Kafııa (jetkilikti). Ýbada bın Somıt (r.a.): «Úmmý Quran (Fatıha) basqa súreniń ornyn toltyrady, al basqa súre onyń ornyn toltyra almaıdy[9]», – degen hadıs jetkizgen.

[1] Mýslım jáne tórt sýnan kitabynda
[2] Majaz Quran
[3] Týhfat Ahýazı, Buharı
[4] Hıjr súresi, 87-aıat
[5] Mýslım
[6] Joǵarydaǵy silteme
[7] Buharı, Tırmızı
[8] Buharı, Tırmızı
[9] Mýstadrak