Meshitke adam esimin qoıý bıdǵat pa?

Assalamý aleıkým! Meshitke adamnyń atyn berýge bola ma?

Ответ

Ýa aleıkým assalam!

Meshitke sharıǵat boıynsha saldyrǵan adamnyń nemese basqa da ǵulama tulǵalardyń esimin berýdiń eshbir ábestigi joq. Máselen, sahaba ári bıleýshi ákim bolǵan Amr bın Astyń esimi ózi turǵyzǵan meshitke berilgen. Mekkedegi Haram aýmaǵymen shektesip turǵan meshit Aısha (r.a.) anamyzdyń esimimen atalady. Sol sekildi, «Áziret Sultan» meshitine Islam áleminiń ǵulamasy  Qoja Ahmet Iassaýı esimi berilgen. Sondaı-aq «Naýan Hazret», «Maral ıshan», «Sadýaqas qajy Ǵylmanı» meshitteri de kezdesedi.

Ádette, mundaı úrdis ǵalymdar men kósemderdiń, tarıhı qaıratkerlerdiń esimin tarıhta qaldyrý maqsatymen, sondaı-aq, elge ǵıbrat úshin jasalady. Sonymen birge, meshitpen belgili tulǵanyń tarıhı baılanysy bolǵandyqtan da qoıylady. Eń bastysy, nıet túzý bolýy qajet.

Al, maqtaný nemese rııa úshin bolsa, ruqsat etilmeıdi.