Shaıtannyń júretin jerleri qandaı?

Shaıtannyń júretin jerleri qandaı? Olardan qalaı saqtansa bolady?

Ответ

Ájethanaǵa kirerden buryn Allanyń atymen shaıtannyń azǵyrýynan saqtaný qajet. Óıtkeni eń las jerler jyn-shaıtannyń orny. Osyndaı jerlerde adamdy azǵyryp, zarar berýge tyrysady.

Paıǵambarymyz (s.ǵ.s) ájethanaǵa shyǵardan buryn: «Allahýmma ınnıı aýýzý bıká mınál-hýbsı ýal-habaaıs», – dep aıtatyn bolǵan.

Jyndar jer betini barlyq jerinde derlik júredi. Alaıda olar kóbine elsiz, túzsiz jerlerde, las, qoqys oryndarda, monsha, mazarstanda júredi. Paıǵambar (s.ǵ.s.) las jerlerde, monshalarda qulshylyq qylýǵa tyıym salǵan. Olardyń mazarstanda júrýleriniń maqsaty – arýaq keıpinde kelip adamdardy adastyrý.

Sondaı-aq, hadısterde shaıtannyń bazarlarda júretindigi aıtylǵan. Paıǵambar (s.ǵ.s.) sahabasy Salman (r.a.) bylaı deıdi: «Múmkin bolsa, bazarǵa birinshi bolyp kelmeńder, sońǵy bolyp shyqpańdar. Óıtkeni ol jer shaıtannyń maıdany. Ol sonda týyn tikken» (Múslim rıýaıaty).

Shaıtandar sondaı-aq turǵyn úılerdi de mekendeıdi. Allanyń aty atalsa, ol jerden qashyp shyǵady. Múslim rıýaıat etken hadıste Paıǵambar (s.ǵ.s.) adam úıge kirerde Allanyń ataǵanda shaıtan óziniń dostaryna: «Búgin biz túneıtin oryn joq», – dep shyǵyp ketedi eken.

Shaıtandardyń júretin taǵy mekeni – kóleńke men jaryqtyń arasy. Sondyqtan da Allanyń elshisi (s.ǵ.s.) jartylaı kóleńkede jartylaı kúnde otyrýǵa tyıym salǵan.

Taǵy bir hadıste Paıǵambar (s.ǵ.s.) bylaı deıdi: «Esekterdiń aqyrǵan daýsyn estiseńder, Allanyń atymen shaıtannan saqtanyńdar, óıtkeni olar shaıtandy kórdi, al áteshterdiń shaqyrǵan daýsyn estiseńder, Alla Taǵalanyń keńshiligin surańdar, óıtkeni olar perishteni kórdi».

Автор: Fatua.kz – ҚМДБ Шариғат және Пәтуа бөлімі