«Zınaqordy zınaqorǵa qosamyn» degen aıat bar ma?

22 qańtar 2022 6257 0 Оqý rejımi

Assalaýmaǵaleıkým! Quranda zınaqordy zınaqorǵa, jaqsy adamdy jaqsy adamǵa qosamyn degenge saıatyn aıat bar ma? Bar bolsa, bunyń túsý sebebi qandaı? Ol úılenýge baılanysty túsken ba? Baýyrjan.

Ответ

Ýaǵaleıkým assalam! Baýyrjan, siz surap otyrǵan aıat Nur súresiniń myna aıaty bolsa kerek. Ol aıatta bylaı delingen:

«Zınaqor erkek tek zınaqor nemese putperes áıelge úılenedi. Zınaqor áıel de tek zınaqor nemese putqa tabynýshy erkekke turmysqa shyǵady. Ol nárse Allaǵa ıman etken kisilerge haram»[1].

Atalmysh aıattyń túsý sebebi jaıynda birneshe rıýaıat bar. Sonyń birinde: «Úmmý Máhzýl esimdi bir jeńil júristi áıel bolǵan. Sony sahabalardyń biri óz nekesine alǵysy keledi. Onyń osy áreketinen qaıtarǵan álgi aıat túsedi»[2], – delingen.

Endi onyń tápsirine keletin bolsaq, tápsirshi ǵulamalar ár túrli túsinikteme bergen. Sonyń ishinde Imam Matýrıdıdiń túsiniktemesin keltireıik. Ol (r.a.) óziniń tápsir kitabynda álgi aıatqa mynadaı túsinikteme beredi:

«Bul jerdegi tyıym shyn mánisinde «nekelesýge emes», zınadan qaıtarý maqsatynda aıtylyp otyr. Iaǵnı ol jerde: «Sender zına jasamańdar! Eger zına jasasańdar, zınaqor atanasyńdar. Al, jeńil júrisimen tanylǵan jigitke ıbaly qyzdyń turmysqa shyqpaıtyny anyq. Amal joq ózi sııaqty zınaqor qyzben úılenýge týra keledi. Endeshe, zınadan aýlaq bol!» degen maǵyna jatyr. Nemese bul aıat zınaqor kisilerdiń ishtegi tańdaýyn da baıandap turǵan bolýy múmkin. Máselen: Zınaqor tek ózi sııaqty zınaqordy nemese putperesti jaqsy kóredi, sebebi ol ekeýi zınany tyımaıdy»[3].

[1] «Nur» súresi ,4-aıat.
[2] Sabýnı, Raýaıýl Baıan, Nur súresi tápsiri
[3] Imam Matýrıdı, Táýılátý áhlı súnná, Nur súresniń 4-aıat tápsiri.

Tegter: neke zına zınaqor aıat tápsir

Автор: Muslim.kz порталы

Pіkіrler Kіrý