Mıǵraj keshin atap ótý durys pa?

Assalamý aleıkým! Isra jáne mıǵraj keshinde arnaıy jasalatyn qulshylyq bar ma? Bul keshte ǵıbadat etý bıdǵat pa?

Ответ

Ýa aleıkým assalam!

Erejep aıynyń 27-shi keshinde Isra jáne Mıǵraj oqıǵasy oryn aldy. Isra – Paıǵambarymyzdyń (s.ǵ.s.) Mekkedegi ál-Haram meshitinen Aqsadaǵy Baıtýl-Maqdıs meshitine jasaǵan sapary. Al, mıǵraj – jeti qat aspanǵa kóterilýi.

Erejep aıynyń bul keshin ǵıbadatpen ótkizýge eshbir tyıym joq. Eń bastysy – Quran tıláýat etý, zikir jasaý jáne namaz oqý sııaqty sharıǵatta qup sanalǵan qulshylyqtarmen aınalysa otyryp, qaıshy amalǵa jol bermeý. Óıtkeni, sharıǵatta buǵan tikeleı tyıym joq.

Al, «Kimde-kim bul iste (dinde) bir jańalyq istese, ol keri qaıtarylady» degen hadıske keler bolsaq, bul ósıette barlyǵy emes, keri qaıtarylǵan jáne qabyl etilmegen jańalyq jóninde aıtylǵan. Al, kópshilik qup sanaǵan jáne musylman qoǵamy tarapynan qabyl etilgen jańalyqtarǵa tyıym joq.

Máselen, Bilál (r.a.) ár dáret alǵan saıyn artynan eki rakaǵat namaz oqıtyn bolǵan. Sondaı-aq, Muǵaýııa (r.a.) rýkýǵtan turǵan kezde «Robbáná ýá lákál hamd...» degen zikir aıtqan. Al, bul eki jaıttan habardar bolǵan Paıǵambarymyz (s.ǵ.s.) eki sahabaǵa da súıinshi habar jetkizgen. Tyıym salmaǵan.

Qoryta aıtqanda, qaı ýaqytta bolsa da Quran tıláýat etý jáne nápil ǵıbadatpen aınalysýǵa sharıǵatta tyıym salynbaıdy.

Автор: Muslim.kz порталы