«Nan ursyn» dep ant ishýge bola ma?

Assalaýmaǵaleıkým! Keıde sóz arasynda bireýdi sendirý maqsatynda «Nan ursyn» dep jatamyz. Osy durys pa?

Ответ

Ýaǵaleıkýmassalam!

Arab tilinde ant ishýdi «ıamın» (kúsh, qýat) dep ataıdy[1]. Adam balasy óz sózin qýattaýǵa tushymdy dáleldi taba almaǵanda, ant ishýge júginedi. Sondyqtan da árbir halyq óz dástúrindegi men oı órisindegi qasıetti dep sanaıtyn nársemen, zatpen, uǵymmen qasam ishedi.

Qasıetti dinimiz boıynsha, dúnıedegi barsha jaratylysty joqtan bar etip, júıege salyp basqaratyn Alla Taǵala ekeni málim. Demek, musylman adam tek Allanyń atymen nemese Onyń sıpattarymen antý etýi kerek[2].

Birde áıgili sahaba Omar ıbn Hattab (Oǵan Alla razy bolsyn) kerýenmen jolda júrip bara jatyp, óz ákesiniń atymen ant ishedi. Buny baıqap qalǵan Alla elshisi (oǵan Allanyń salaýaty men sálemi bolsyn) bylaı dedi:

ألا إن الله ينهاكم أن تحلفوا بآبائكم من كان حالفا فليحلف بالله أو ليصمت

«Alla Taǵala sizderge ata-baba atymen ant ishýdi tyıym salǵandyǵyn bilip qoıyndar! Kimde kim ant ishetin bolsa, Allanyń atymen ant ishsin nemese úndemesin»[3].

Qorytyndy: Islam dini boıynsha «Nan ursyn» dep ant ishýge bolmaıdy. Ant ishý tek Alla Taǵalanyń esimi men sıpattarymen júzege asyrylady. Durysy Allaǵa málim.

Darhanuly Tamırlan
Nur-Sultan qalasy boıynsha pátýaǵa jaýapty maman

Автор: Muslim.kz порталы