Qasty terýge bola ma?

Assalamý ýaleıkým! Aıtyńyzdarshy, Islamda qas julýǵa qatysty ne aıtylǵan?

Ответ

Ýa aleıkým assalam!

Alla elshisi (Oǵan Allanyń salaýaty men sálemi bolsyn) :

لعن الله النامصات والمتنمصات

«Bireýge qas tergen áıeldi de, qas tergizgen áıeldi de Alla laǵynet etsin!»[1], – dep eskertken. Bul jerdegi tyıymdy kópshilik ǵalymdar myna áıel kisilerge arnalatynyn aıtady:

• Boıdaq qyzǵa
• Ajyrasqan áıelge
• Kúıeýi iz-tússiz joǵalǵan áıelge
• Jesir áıelge[2]

Al turmystaǵy áıelge kúıeýine ádemi, súıkimdi, tartymdy bolyp kórinýi úshin qasyn terýge ruqsat etiledi. Buny da kópshilik ǵulamalarymyz aıtady. Buǵan negiz retinde Aısha anamyzdyń kelesi sózi keltiriledi:

Bakra bınt Ǵuqba degen áıel kisi Aısha anamyzdan qas julý jaıynda  suraıdy. Sol kezde Aısha anamyz bylaı dep jaýap beredi:

إن كان لك زوج فاستطعت أن تنزعي مقلتيك فتصنعيهما أحسن مما هما فافعلي

«Eger seniń kúıeýin bar bolyp, óz eki kózindi shyǵaryp olardyń ornyna odan da ádemisin aýystyryp qoıýǵa shaman jetse, onda solaı jasa»[3]. Osyǵan oraı ǵulamalarymyz kelesi sharttardy bekite otyra turmystaǵy qyz-kelinshekterge qasyn terýge ruqsat etti.

• Qastarynyń kúıeýine súıkimsiz kórinýi
• Kúıeýiniń ruqsat berýi
• Nıeti tek óziniń jaryna súıkimdi bolyp kóriný
• Denege zaqym tıgizbeý[4]

Hanbalı mazhaby boıynsha qasty terýge múldem bolmaıdy, tipti kúıeýi ruqsat etse de.

Qoryty kele basym kópshilik ǵalymdarymyzdyń tujyrymy boıynsha, joǵaryda aıtylǵan sharttardy saqtaı otyra turmystaǵy áıel kisige qasyn terýge bolady.

Darhanuly Tamırlan
Nur-Sultan qalasy boıynsha

pátýaǵa jaýapty maman

Автор: Muslim.kz порталы