Qaǵba, meshit beınesi bar jaınamazdy basýǵa bola ma?

Assalaýmaǵaleıkým! Sizderden suraıyn degenim, Qaǵba, meshit beınesi bar jaınamazdy basyp júre berýge bola ma?

Ответ

Ýaǵaleıkýmassalam!

Kaǵba, meshit sııaqty dinimizdiń nyshany sanalatyn sýretterdi baspaǵan durys. Sebebi Alla Taǵala bylaı deıdi:

ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ

«Kim Allanyń belgilerin ulyqtasa, kúdiksiz ol – júrektiń taqýalyǵynan»[1].

Al, bundaı beınelerdi dinimizdi kelemejdeý maqsatymen nemese jek kórgen sebepti ádeıi basqan adamnyń jaǵdaıy - óte qaýipti. Sol ýaqytta ımanynan aırylýy ábden múmkin.

لَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُۚ قُلْ أَبِاللَّـهِ وَآيَاتِهِ وَرَسُولِهِ كُنتُمْ تَسْتَهْزِئُونَ

لَا تَعْتَذِرُوا قَدْ كَفَرْتُم بَعْدَ إِيمَانِكُمْۚ

«Eger olardan surasań: «Árıne, biz ánsheıin sózge kirisip, oınap edik», – deıdi. Olarǵa: «Allamen aıattarymen jáne Elshisimen qaljaqtaǵan boldyńdar ma?»- de. Jeleýretpeńder! Sender ıman keltirgennen keıin kúpirlik ettinder[2].

Qorytyndy: Dinı qasıetti zattardyń beınesin, ondaı jaınamazdardy basqa kilemderdiń ústine júrip ótetinimizdeı basyp ketý - unamsyz is bolyp tanylady. Al ondaı beınelerdi mazaq etip basý – dinnen shyǵarýy yqtımal. Sondyqtan musylman adam ondaı áreketterden aýlaq júrýi tıis. Durysy Allaǵa málim!

Darhanuly Tamırlan
Nur-Sultan qalasy boıynsha
pátýaǵa jaýapty maman

Автор: Muslim.kz порталы