Qurban shalýdyń syry ne?

08 shіlde 2022 1119 0
Оqý rejımi

Assalamý aleıkým! Qurban shalýdyń syry ne? Jaqsylyq Myrzaqasymov 


Ответ

Ýa aleıkým assalam!

Qurban shalý birqatar hıkmetter úshin mindet etilgen, olar:

1. Nyǵmetke shúkirshilik.

Quran Kárimde: «Alla Taǵalanyń nyǵmetterin sanasańdar, onyń esebine jete almaısyńdar...[1]», – dep eskertilgendeı, qurban shalý – Alla Taǵalanyń pendege bergen sansyz nyǵmetterine degen shúkirshilik. Adam balasy ǵumyr boıy Jaratqan Qudiret Iesiniń qısapsyz nyǵmetterine bólenedi. Máselen, bir jyldan kelesi jylǵa aman-esen jetý. Iman nyǵmeti. Dene-músheniń saýlyǵy nyǵmeti. Mal-dúnıe de sol nyǵmetter qatarynda. Mine, osy nyǵmetterdiń barlyǵy úshin pende Alla Taǵalaǵa shúkirshilik etýge mindetti. Qurbandyq shalý – shúkirshiliktiń bir kórinisi. Qan shyǵarýmen qulshylyq oryndalady, ıaǵnı Quran Kárimniń: «(Eı, Muhammed!) Anyǵynda, Biz saǵan Káýsardy berdik. Rabbyń úshin namaz oqy jáne qurbandyq shal[2]», – degen ámirin oryndaǵan bolady.

2. Ibrahım (ǵ.s.) súnnetin jandardyrý.

Quran Kárimde: «Ol (uly) onyń ózimen birge júrip, áreket etýge jetken kezde Ol: Balam! Men túsimde seni (qurbandyqqa) shalyp jatqanymdy kóremin. Baıqap qarashy, sen ne oılaısyń? – dedi. Ol: Ákeshim! Ózińe buıyrylǵandy orynda. Alla qalasa, meni sabyrlylardan tabasyń,– dedi[3]», –dep, Ibrahımniń uly Ismaıldiń (ǵ.s.) ıláhı ámirge boıusynyp qurban etý synaǵyna ushyraǵany baıan etiledi. Sonymen birge, «Anyǵynda, bul – ashyq synaq. Jáne Biz onyń ornyna úlken qurbandyq berdik[4]», – dep, ákeli-balaly paıǵambarlardyń úlken synaqtan súrinbeı ótkendigi aıtylady. Sol oqıǵany eske ala otyryp, qurbandyq shalýdyń musylmanǵa synaqqa tózý jáne árbir iste sabyrlyq qajettigin úıretetin ǵıbadat eken túsinemiz.

3. Sadaqa jasaý.

Kisi óz shańyraǵymen qosa kórshi-qolań jáne jora-joldastaryn aıttyq dastarqanǵa shaqyryp, merekeleıdi. Qurbandyq etin muqtaj jandarǵa sadaqa etýmen olardyń qıynshylyǵyn az da bolsa jeńildetip, shańyraqtaryna shattyq syılaýǵa sebepker bolady. Bul ıgi dástúr Paıǵambarymyz (s.ǵ.s.) zamanynan kúni búginge deıin jalǵasyp kele jatqan súnnet.    

 


[1] Nahl súresi, 18-aıat
[2] Káýsar súresi, 1-2 aıattar
[3] Saffat súresi, 102-aıat
[4] Saffat súresi, 106-107 aıattar

Автор: Muslim.kz порталы

Pіkіrler Kіrý