Náresteniń tańdaıyna ne tıgizý kerek?

Assalamý aleıkým! Súnnet boıynsha jańa týǵan nárestege «tahnık» jasaý kerek deıdi. Ol ne nárse jáne qalaı jasalady?

Ответ

Ýa aleıkým assalam!

Ábý Musa (r.a.) bylaı deıdi: «Meniń ulym týylyp, Paıǵambarǵa (s.ǵ.s.) alyp bardym. Paıǵambar (s.ǵ.s.) balama Ibrahım dep at qoıyp, tańdaıyn (tahnık jasady) qurmamen súrtti de duǵa jasap, maǵan qaıtyp berdi».

Tahnık – náresteniń tańdaıyna jaqsylap shaınalǵan nemese ezilgen qurmany súrtý. Tahnık – mustahab amal. Qurma bolmasa basqa ot tımegen táttilik qoldanýǵa bolady. Biraq aranyń baly abzal. Imam Naýaýı: «Súnnet boıynsha týylǵan náresteniń tańdaıyna jaqsy shaınalǵan qurmany súrtý. Balanyń aýzyn ashyp shamaly qurma ishine ketkeni durys».

Qysqasha aıtqanda, tahnık – náresteniń tańdaıyna qurma tıgizý. Bul – Paıǵambarymyzdan (s.ǵ.s.) qalǵan saýapty amal.