Namazda túshkirip, «Alhamdý Lıllıa» dese – namaz buzyla ma?

Assalaýmaǵaleıkým! Namazda turǵan kezde eriksiz túshkirip, sosyn «Alhamdý Lıllıa» desem, namaz buzyla ma?

Ответ

Jalpy turǵyda namaz barysynda Quran aıattary men súnnette kelgen duǵa jáne zikirden basqa qandaı da bir sóz aıtý namazdy buzady[1]. Alla elshisi (oǵan Allanyń salaýaty men sálemi bolsyn):

وقِرَاءَةُ القُرْآنِ والتَّكْبِيرُ التَّسْبِيحُ هو إنَّما النَّاسِ، كَلَامِ مِن شيءٌ فِيهَا يَصْلُحُ لا الصَّلَاةَ هذِه إنَّ

 «Rasynda, bul namaz! Onyń ishinde adamnyń sózin aıtý durys emes. (Namazda jasalatyn) is - taspıh, tákbir jáne Quran oqý»,  – dep aıtqan [2]

Alaıda zikir men dúǵa sózderi (Allanyń esimi atalǵan sózder) namazdy buzbaýy úshin kelesi sharttar qoıylady:

• Adam balasynyń kúndelikti sóıleıtin, adamnan suraı alatyn dúnıelerdiń bolmaýy[3]
• Bireýge jaýap retinde qoldanylmaýy[4]
• Bireýdi úıretýdi kózdemeý[5]

Demek, bir adam namazda «Ýa, Alla! maǵan ádemi kıim kıgizshi» dese, namazy buzylady[6]. Sebebi, ádemi kıimdi adam balasynan suraýǵa bolady. Al Jánnatqa kirý, tozaqtan alys bolýdy duǵa etý namazdy buzbaıdy. Óıtkeni buny tek Alla Taǵaladan suraýǵa bolady. Basqa eshkim bundaı talapty (duǵany) oryndaýy múmkin emes.

«Jaýap retinde qoldanylmaýy» degen shartqa qatysty aıtatyn bolsaq, mysalǵa bir kisi «Assalıamý alıaıkým» dep sálem bergennen keıin, namaz oqyp turǵan kisi «Ýa alıaıkým assalıam» dep jaýap qatsa, onyń namazy buzylady[7]. Sebebi, bul sóz sálemge jaýap retinde qoldanylady. Iaǵnı, bul basqa bireýmen tildesý retinde sanalyp, namazdy jaramsyz etedi.

 Osyǵan oraı, bir adam túshkirgende «Alhamdý lıllıa» (Barlyq maqtaý Allaǵa tán) dep aıtsa, namazy buzylmaıdy.  Óıtkeni, bul sóz zikirge jatady ári bireýge jaýap retinde paıdalanbaıdy[8]. Tipti bir adam túshkirgende namaz oqyp turǵan basqa bir kisi oǵan jaýap retinde «Alhamdý lıllıa» degenniń ózin de namazyna kedergi bolmaıdy. Sebebi, atalmysh sóz zikir ári duǵa esebinde ǵana.  «Alhamdý lıllıa» degen sóz jaýap retinde qoldanylmaıtyndyqtan sóılesý úkimine jatpaıdy[9]. Bárimizge málim másele, túshkirgen kisige «Alhamdý lıllıa» emes, oǵan «Iarhamýkalla» (Alla seni jarylqasyn) dep jaýap qaıtarylady.

«Alhamdý lıllıa» sózi tek qana bireýdi úıretý maqsatynda aıtylǵan kezde ǵana namazdy buzady. Sebebi, namaz, ol – qulshylyq. Namaz barysynda bireýdi úıretý nemese úırenýge tyıym salynady.

Qorytyndy: Namazda bir kisi túshkirip, bireýdi úıretýdi maqsat etpeı «Alhamdý lıllıa» dese – namazdy buzbaıdy.

                                                                           Darhanuly Tamırlan
                                                                       Nur-Cultan qalasy boıynsha
                                                                           pátýaǵa jaýapty maman

Автор: Muslim.kz порталы