Áıel ustaz er adamǵa Quran úıretse bola ma?

Sálemetsiz be? Áıel adam bóten erkek adamǵa Quran, tájýıd ilimderin úıretse bola ma? Sebebi bizde muny qolǵa alǵan maman joq. Bilemin degen birer adam bar, biraq olar da qazaqsha kitaptardan ózderi úırenip alǵandar. Aına Toıshybaı

Ответ

Sálemetpiz. Sharıǵatta áıeldiń erkek adamǵa tálim berýine tyıym salynbaǵan. Paıǵambarymyzdyń (s.ǵ.s) áıelderi de ózge sahabalar syndy keıingi musylmandarǵa dindi  úıretkeni tarıhtan belgili. Hadıs jınaqtarynda analarymyzdyń tálim bergeni týraly kóp rıýaıattar kelgen. Tipti, Ibn Hajar Asqalanı «ál-Isaba fı tamızıs-sahaba» atty eńbeginde 1543 áıel sahabany atap kórsetken. Olardyń kópshiligi fıqh, hadıs, ádebıet ilimderiniń bilgirleri bolǵan. Ári olar tek áıel shákirtterge ǵana bilim berýmenberip shektelmegen.

Toqeteri: eger aýyldaryńyzda Qurandy jaqsy úıretetin azamattar bolmasa, onda áıel adam áıelderge de erkekterge de Quran men tájýıdti úıretýine bolady.

Eń durysyn Alla biledi.

Aıbek Ábdiqadyr
Muslim.kz saıtynyń dinı sarapshysy