Ramazanda jigitimmen kezdesýge bola ma?

Səlemetsiz be? Bıyl Alla buıyrtsa, oraza ustaǵaly jatyrmyn.  Oraza kezinde jigitpen kezdesýge jəne qolynan ustaýǵa bolady ma? Jaına.

Ответ

Sálemetpiz, rahmet. Orazańyz qabyl bolsyn ári barsha jaqsylyqtarǵa bastaý bolǵaı!

Suraǵyńyzǵa kelsek... Islam sharıǵatynda qyz ben bala tek úılený nıetimen, onda da úshinshi adamnyń qatysýymen ǵana kezdese alady. Al, úılenbeı turyp qol ustasyp júrýine bolmaıdy. Sebebi, Alla Taǵala Quran kárimde:

وَلَا تَقْرَبُوا الزِّنَا ۖ إِنَّهُ كَانَ فَاحِشَةً وَسَاءَ سَبِيلًا

«Zınaǵa jaqyndamańdar! Óıtkeni, Ol – anyq arsyzdyq jáne jaman jol»[1], – degen.

Imam Qýrtýbı (r.a) osy aıatty tápsirlep bylaı deıdi: «Ǵalymdar: Alla Taǵala bul aıatta «Zınaǵa jaqyndamańdar!» dedi. Alla Taǵalanyń sózdi bulaı saptaýy «zına jasamańdar!» degennen de keń maǵynaǵa ıe. Ondaǵy maǵynasy – «zına ataýlyǵa alys-jaqynnan da jaqyndaýshy bolmańdar!» degendi bildiredi. Sebebi, zınanyń alys ári jaqyn maǵynasy bar», – degen»[2].

Bul sózimizdi Paıǵambarymyzdyń (s.ǵ.s) myna hadısimen órbitemiz:

كُلُّ ابْنِ آدَمَ لَهُ حَظُّهُ مِنَ الزِّنَا ، فَزِنَا الْعَيْنَيْنِ النَّظَرُ، وَزِنَا الْيَدَيْنِ الْبَطْشُ، وَزِنَا الرِّجْلَيْنِ الْمَشْيُ، وَزِنَا الْفَمِ الْقُبَلُ ، وَالْقَلْبُ يَهْوَى وَيَتَمَنَّى ، وَيُصَدِّقُ ذَلِكَ أَوْ يُكَذِّبُهُ الْفَرْجُ

«Ár Adam balasynyń zınadan úlesi bar; kóz zınasy – (haramǵa) qaraý, qoldyń zınasy – ustaý, aıaqtyń zınasy – júrý, aýyzdyń zınasy – súıý. Júrek soǵan meıildenedi, qalaıdy, al áýret bolsa ony rastaıdy nemese ótirikke shyǵarady»[3].

Mine, árbir kishi dep bilingen nárse artynan aýyr kúnáǵa aparýy múmkin. Sol úshin de úlken kúnáǵa apartyn nárse de óz aldyna kúná bolady.

Sizdiń jaǵdaıda, orazany barynsha ońtaıly paıdalanyńyz. Ádette kúná bolyp tabylatyn nárseden alys turýǵa tyrysý kerek, al Ramazanda aıynda ol isterge jaqyndaýdan múldem tyıylǵan jón.

Orazańyz qabyl bolsyn! Oraza barshamyzdy taqýalyqqa bastasyn!

Aıbek Ábdiqadyr
Muslim.kz saıtynyń dinı sarapshysy