Aıt namazyna kólikpen barý tákapparlyq bola ma?

Assalam aleıkým. Aıt namazyna kólikpen barýǵa bolmaıdy, budan tákápparlyq esedi deıdi. Bul sóz qanshalyqty ras? Imanjan Ábdirasylov

Ответ

Ýa aleıkým assalam. Paıǵambarymyz (s.ǵ.s) ózi meshitke jaıaý baratyn bolǵan. Sebebi onyń turatyn úıi men meshit arasynda kólik qoldanýdy qajet etetin qashyqtyq bolmaǵan.

Degenmen, Paıǵambarymyzdyń (s.ǵ.s) ár is-áreketinen ǵıbrat alǵan ǵalymdar meshitke jaıaý barýdy súnnet dep baǵalaǵan, ózderi de meshitke jaıaýlatyp barýdy ádetke aınaldyrǵan. Biraq kimde-kimniń turatyn jeri alys bolyp nemese qandaı da bir sebepterge baılanysty namazǵa kólikpen barsa, munda turǵan esh ábestik joq.

Aıt namazǵa nemese basqa namazǵa kólikpen barýdyń tákápparlyqpen tikeleı baılanysy joq. Eń durysy Allaǵa málim.

Aıbek Ábdiqadyr
Muslim.kz saıtynyń dinı sarapshysy